Piniakkanik sumiiffinni nalunaarsuineq GRDK
Pilersaarut
 

Aalisarnermut, Piniarnermut Nunalerinermullu Pisortaqarfik piniartut, aalisartut allallu avatangiisinut tunngatillugu soqutigisaqartut nalunaarsuinermut uumasullu isumalluutit aqunneqarnerannut ilaatinneqarnerunissaat anguniarlugu sulissuteqarpoq. Taamaattumik Pisortaqarfik pilersaarut una aallartinniarlugu iliuuseqarsimavoq.


Pilersaarutip uumasut isumalluutit malittarineqarnerata piniartut/aalisartut, aqutsisut ilisimatuullu, aamma annertunerusumik inuit inoqarfinniittut annertunerusumik malinnaanermut taamaattumut peqataaneratigut pitsaanngorsarneqarnissaa siunertaraa.


Pilersaarutip nunaqarfinni toqqakkani piniartunik/aalisartunik tunngaveqartumik piniakkanik malittarinninneq isumalluutinillu aqutsineq misiligutigalugu pilersinniarpaa. Pilersaarut aallaqqaammut makkuninnga angusaqarfiujumaartoq neriuutigineqarpoq:


1. Piniartut/aalisartut, aqutsisut ilisimatuullu pitsaanerusumik atassuteqaqatigiilernissaat,
2. Najukkani isumalluutinik peqqissaarussaanerusumik alaatsinaanneq aammalu isumalluutinik tamakkuninnga imminut nammassinnaassutsip iluani aqutsinerup nukittunerulernissaa,
3. Isumalluutinik iluaquteqarnerup isumalluutit, assersuutigalugu klimap allanngornerisa kingunerannik, allanngorarnerannut naleqqussarneqarnerunissaa.


Pilersaarut nunaqarfinni pineqartuni piniartunit, aalisartunit allanillu pinngortitamik soqutigisaqartunit ingerlanneqassaaq ilaatigut Qaasuitsup Kommunia, APNN,
Nunamut namminermut, pinngortitamut avatangiisinullu Pisortaqarfik, KNAPK, ICC aamma
KANUKOKA suleqatigalugit. Pilersaarut aningaasat tungaasigut Kalaallit Nunaanni naalakkeruisunit Nordisk MinisterrĂ¥demillu tapersersorneqarpoq.